Tentativë vrasjeje në një fushë sporti në Shkodër dhe kanosje me armë në lokal, shpallen në kërkim tre persona

Policia e Shtetit ka bërë të ditur se ka shpallur në kërkim tre persona të dyshuar për dy ngjarje të rënda kriminale, që kanë ndodhur më 11 dhe 12 tetor në qytet.Rastet kanë të bëjnë me tentativë vrasje në një fushë sportive dhe një konflikt në një lokal, ku një person u kanos me armë zjarri dhe u dhunua fizikisht.Lexoni të plotë njoftimin e Policisë së Shtetit: Zbardhen dy raste të tentativës për vrasje dhe kanosjes me armë zjarri.Identifikohen dhe shpallen në kërkim 3 shtetas.Specialistët për Hetimin e Krimeve të Komisariatit të Policisë Shkodër shpallën në kërkim për veprat penale “Vrasje me paramendim e mbetur ne tentative“ dhe “Mbajtja pa leje dhe prodhimi i armëve, armëve shpërthyese dhe i municionit“ shtetasin K. F., 25 vjeç, banues në Shkodër, pasi dyshohet se më datë 11.10.2026, ka hyrë në një fushë sporti (kalçeto), në Shkodër, dhe i ka drejtuar armën shtetasit J. U., 27 vjeç, me qëllim vrasjen e tij.Gjithashtu, këta specialistë shpallën në kërkim për veprat penale “Mbajtja pa leje dhe prodhimi i armëve shpërthyese dhe i municionit”, “Kanosja” dhe “Dëmtime të tjera me dashje” të kryera në bashkëpunim shtetasit F. Gj., 40 vjeç, dhe F. S., 37 vjeç, të dy banues në Shkodër, pasi dyshohet se më datë 12.10.2026, në një lokal në Shkodër, kanë kanosur me armë zjarri dhe kanë goditur me grushte shtetasin E. Ç., 38 vjeç, duke i shkaktuar dëmtime në fytyrë.Punohet për kapjen e 3 shtetasve të shpallur në kërkim.Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. /Telegrafi/