Vdekja e punëtorit 54-vjeçar në Ferizaj, ndalohet një person për 48 orë

Iz objave izvora

Një 31-vjeçar është ndaluar për 48 orë në lidhje me vdekjen e një punëtori 54-vjeçar në Ferizaj, i cili dyshohet se u rrëzua nga kati përdhes në bodrumin e një objekti ku po zhvilloheshin punime ndërtimore.Zëdhënësi i Policisë së Kosovës për Rajonin e Ferizajt, Kanun Veseli, ka konfirmuar se viktima është M.M., 54 vjeç, ndërsa i dyshuari B.T., 31 vjeç, është ndaluar për 48 orë.“Viktima është M.M., 54 vjeç, ndërsa B.T., 31 vjeç, është ndaluar për 48 orë nën dyshimin për veprën penale ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’”, ka bërë të ditur Veseli.Ngjarja ka ndodhur sot rreth orës 15:40, në rrugën “Cen Dugolli” në Ferizaj.Në vendin e ngjarjes kanë dalë ekipet e Policisë së Kosovës dhe ato të Emergjencës, të cilat kanë konstatuar vdekjen e viktimës.Po ashtu, në vendin e ngjarjes kanë dalë hetuesit rajonalë, ndërsa janë njoftuar inspektorët e punës dhe prokurori i shtetit.