Marta Kos e cilësoi të papranueshëm ligjin për Specialen, Çitaku: Mospajtimet me miqtë janë normale

Nënkryetarja e Kuvendit të Kosovës nga radhët e Partisë Demokratike të Kosovës (PDK), Vlora Çitaku, ka reaguar pas kritikave të komisioneres evropiane për Zgjerim, Marta Kos, lidhur me ndryshimet në Ligjin për Dhomat e Specializuara.Çitaku ka thënë se mospajtimet e herëpashershme me partnerët ndërkombëtarë janë të natyrshme, por ka theksuar rëndësinë e sqarimit të qëllimit të ndryshimeve ligjore para Bashkimit Evropian.“Është normale ndonjëherë me miqtë të mos kemi pajtime”, ka deklaruar Çitaku.Ajo ka shtuar se institucionet e Kosovës duhet t’ia shpjegojnë BE-së përmbajtjen dhe synimin e këtij ligji.“Është e rëndësishme ta sqarojmë me BE-në se çka ai ligj kërkon”, ka thënë ajo. Kos: Ndryshimet në Ligjin për Specialen janë të papranueshme për BE-në Për këtë çështje ka folur edhe shefja e Grupit Parlamentar të Lëvizjes Vetëvendosje, Arbërie Nagavci, e cila ka deklaruar se partia e saj i kishte shprehur me kohë rezervat për ligjin në fjalë.Reagimet e tyre vijnë pasi komisionerja evropiane për Zgjerim, Marta Kos, kritikoi ndryshimet në Ligjin për Dhomat e Specializuara, duke i cilësuar ato si në kundërshtim me detyrimet themelore të Kosovës ndaj Bashkimit Evropian.Në një deklaratë para takimit të ministrave të Jashtëm të BE-së në Luksemburg, Kos tha se këto ndryshime janë të papranueshme.Ajo theksoi se ndryshimi i rregullave gjatë zhvillimit të proceseve gjyqësore bie ndesh me standardet ndërkombëtare të sundimit të ligjit.Komisionerja evropiane paralajmëroi gjithashtu se vendet që bëjnë hapa prapa në përmbushjen e standardeve evropiane rrezikojnë përparimin e tyre drejt anëtarësimit në Bashkimin Evropian. /Telegrafi/