Charli XCX shfaqet me një stil të guximshëm në tapetin e kuq në Los Angeles

Charli XCX ka tërhequr vëmendjen me paraqitjen e saj në tapetin e kuq, gjatë festës së dytë vjetore për Ditën Kombëtare të PrEP, të mbajtur të shtunën në The Abbey, në Los Angeles.Këngëtarja britanike, 34 vjeçe, u shfaq me një reçipetë të zezë me dantellë, të kombinuar me një bluzë transparente dhe pantallona të shkurtra shumë të vogla. Ajo e kompletoi veshjen me taka të zeza, syze dielli dhe një varëse me rruaza, ndërsa pozoi para fotografëve me humor të mire, shkruan DailyMail. Në këtë mbrëmje morën pjesë edhe emra të njohur të showbiz-it, mes tyre Demi Lovato, Christina Aguilera, Bella Poarch dhe Emily Ratajkowski.Aktiviteti u organizua nga platforma e tele-shëndetit LGBTQ+ MISTR dhe synon të rrisë ndërgjegjësimin për PrEP, profilaksinë para ekspozimit ndaj HIV-it, si dhe të ndihmojë në luftimin e stigmës që lidhet me virusin dhe në zgjerimin e qasjes në kujdesin shëndetësor. Ndërkohë, Charli XCX është përmendur së fundmi edhe në një video të publikuar nga Madonna në TikTok, ku shfaqej bashkë me këngëtaren dhe aktoren Julia Garner duke kërcyer në një shtrat hoteli. Videoja, e shoqëruar nga kënga e tyre “Danceteria Afterhours”, tërhoqi vëmendjen e fansave në rrjetet sociale. /Telegrafi/