Zelensky: Ukraina është e gatshme të ndalë sulmet ndaj rafinerive ruse, nëse Moska ndal goditjet ndaj infrastrukturës energjetike

Ukraina është e gatshme të ndalojë sulmet ndaj rafinerive ruse të naftës, nëse Moska ndërpret sulmet ndaj infrastrukturës energjetike ukrainase, deklaroi të dielën presidenti Volodymyr Zelensky, pasi presidenti amerikan Donald Trump i kërkoi Kievit t’i ndalte në mënyrë të njëanshme këto operacione.Të shtunën, Trump fajësoi sulmet ukrainase ndaj rafinerive ruse për rritjen e çmimeve të dizelit në SHBA. Ai paralajmëroi Zelenskyn se “duhet patjetër t’i ndalë” sulmet, ndërsa përsëriti edhe thirrjet që Ukraina të ketë një udhëheqës të ri, duke pretenduar se presidenti aktual kishte humbur disa mundësi për të arritur një marrëveshje me Moskën.Rritja e ndjeshme e çmimeve globale të dizelit, pas shpërthimit të luftës në Iran në shkurt, është shndërruar në një problem politik për Partinë Republikane të Trumpit, përpara zgjedhjeve të mesmandatit muajin e ardhshëm. Në këto zgjedhje, demokratët opozitarë mund të fitojnë kontrollin e njërës ose të të dy dhomave të Kongresit amerikan.Zelensky përsëriti të dielën qëndrimin e kahershëm të Kievit se ndalimi i sulmeve ndaj rafinerive ruse mund të bëhet vetëm në kuadër të një marrëveshjeje të ndërsjellë për uljen e tensioneve, e cila do të kërkonte që Rusia të ndalte goditjet ndaj centraleve elektrike dhe infrastrukturës tjetër energjetike të Ukrainës. Elon Musk mbështet Trumpin në thirrjet për zgjedhje të reja në Ukrainë: Zelensky “e ka tepruar” Sipas presidentit ukrainas, çdo marrëveshje e tillë duhet të shoqërohet me “garanci reale”, transmeton Telegrafi.“Shkaku i vërtetë i luftës në Evropë është Rusia dhe vetëm Rusia”, deklaroi Zelensky, pa iu referuar drejtpërdrejt komenteve të Trumpit. “Sulmet ndaj infrastrukturës energjetike mund të ndalen që sot, por Putini nuk dëshiron ta bëjë këtë”.Të shtunën, Zelensky reagoi ashpër edhe ndaj njoftimit të Trumpit për një marrëveshje të furnizimit me dizel nga Rusia, duke argumentuar se një marrëveshje e tillë do ta inkurajonte Moskën të vazhdonte sulmet ndaj Ukrainës.Analistët vlerësuan se m