E diela me reshje të dendura shiu, temperaturat deri në 16 gradë Celsius

Të dielën, më 11 tetor, moti në vend do të jetë kryesisht i vranët, me reshje shiu të intensitetit mesatar deri të lartë. Në disa zona, reshjet mund të jenë më të theksuara.Temperaturat minimale do të lëvizin nga 6 deri në 11 gradë Celsius, ndërsa ato maksimale nga 12 deri në 16 gradë Celsius.Era do të fryjë nga verilindja dhe veriperëndimi, me shpejtësi prej 1 deri në 9 metra në sekondë.Sipas parashikimit biometeorologjik, rënia e temperaturave, vranësirat dhe reshjet e shiut mund të ndikojnë në mirëqenien e personave të ndjeshëm ndaj ndryshimeve të motit.Ndërkohë, reshjet pritet të jenë të dobishme për bujqësinë, veçanërisht në prag të intensifikimit të mbjelljeve vjeshtore. Lagështia e shtuar e tokës do të ndihmojë në përgatitjen e sipërfaqeve bujqësore për punimin e tokës dhe mbjelljen e grurit dhe kulturave të tjera vjeshtore.Megjithatë, në zonat me reshje më intensive, rekomandohet që punimet bujqësore të përshtaten me gjendjen e tokës, duke shmangur lavrimin dhe mbjelljen kur toka është tepër e lagësht, për të parandaluar ngjeshjen e saj dhe vështirësitë në përgatitjen e shtratit të farës./Telegrafi/