ASH: Të parandalohen gabimet që përjashtojnë shqiptarët nga historia e Kalasë së Shkupit

Nga Aleanca për Shqiptarët përmes një kumtese shprehen se mbështesin investimet për restaurimin dhe promovimin e trashëgimisë kultutrore në Kalanë e Shkupi, por siç thonë ata, por kërkojmë që muzetë e rinj nuk duhet të përsërisin praktikat e 24 viteve të fundit, kur gjuha shqipe shpesh është anashkaluar dhe historia është paraqitur në mënyrë të njëanshme."Kërkojmë respektim të plotë të dygjuhësisë si në emërtime, tabela, përshkrime eksponatesh, materiale promovuese dhe përmbajtje digjitale, prezantim shkencor të historisë dhe fakteve arkeologjike, pa shtrembërime e përvetësime, me kujdes të veçantë ndaj terminologjisë", thonë nga ASH.Ata kërkojnë edhe përfshirje reale të historianëve dhe arkeologëve shqiptarë në vendimarrje, nga koncepti muzeor deri te verifikimi i përmbajtjeve."Aleanca për Shqiptarët fton VLEN-in të përfshihet aktivisht që tani dhe theksojmë se gabimet duhet të parandalohen para përfundimit të projektit. Kalaja e Shkupit është trashëgimi e përbashkët dhe si e tillë duhet të prezantohet, veçanërisht në prag të Shkupit 2028, Kryeqytet Evropian i Kulturës", thuhet në reagimin e ASH./Telegrafi/