Maqedoni, nga 28 tetori, letërnjoftimi dhe leja e vozitjes në telefonat celularë

Ministria e Transformimit Dixhital do të lançojë zyrtarisht aplikacionin e ri celular "m.Uslugi" më 28 tetor, njoftoi ministri Stefan Andonovski.Aplikacioni do të jetë plotësisht falas dhe i disponueshëm për shkarkim përmes Google Play për përdoruesit e Android dhe App Store për përdoruesit e iOS. Përdoruesit mund të identifikohen lehtësisht duke përdorur profilet e tyre ekzistuese nga portali kombëtar, uslugi.gov.mk.Në fazën fillestare të lançimit, qytetarët do të mund të shohin në format elektronik: letërnjoftimin, lejen vozitjes, tre shërbime të tjera administrative.Ministri Andonovski shpjegoi se qëllimi është që aplikacioni të evoluojë gradualisht në një portofol funksional dixhital. Fazat e ardhshme parashikojnë integrimin e të dhënave shëndetësore, si dhe një sërë dokumentesh dhe shërbimesh të tjera publike.Përdorimi i aplikacionit do të jetë vullnetar. Ndërkohë, të gjitha institucionet përkatëse do të duhet t'i përshtatin gradualisht aktet e tyre nënligjore, procedurat e brendshme dhe kapacitetet teknike për të garantuar pranimin pa probleme të dokumenteve dixhitale në ndërveprimet e tyre të përditshme me qytetarët.