Neymar zbulon prapaskenat e një nate të çmendur me Messin dhe Suarezin: Ishim tapë

Neymar ka rikthyer një nga kujtimet më të veçanta nga koha kur së bashku me Lionel Messin dhe Luis Suarezin formonin treshen e famshme të sulmit të Barcelonës.Ylli brazilian ka publikuar një video të vjetër nga arkiva e tij private, në të cilën shfaqet Lionel Messi duke kërcyer dhe festuar pas një prej fitoreve të Barcelonës në Ligën e Kampionëve. Pamjet kanë tërhequr menjëherë vëmendjen e tifozëve, pasi tregojnë një anë shumë më të çlirët të yllit argjentinas.Duke e shoqëruar videon me një koment plot humor, Neymar zbuloi edhe një detaj nga ajo natë.“Shikojeni Messin, duke kërcyer. Suarez, Messi dhe unë ishim tapë”, kujtoi braziliani me buzëqeshje.Neymar watching an old video in his camera roll of Lionel Messi dancing after a Champions League win:“Look at Messi. He was dancing. Luis Suarez, Messi and I. Plastered.” 😭What a trio 😂📺 Neymar: The Perfect Chaos https://t.co/FXduWgNN54 — Netflix Sports (@netflixsports) October 7, 2026Kjo tregon edhe një herë marrëdhënien e veçantë që ekzistonte mes tre yjeve të njohur si MSN. Përveçse formuan një prej tresheve më të frikshme të sulmit në historinë e futbollit, Messi, Suarez dhe Neymar kishin krijuar një miqësi të ngushtë edhe jashtë fushës.Gjatë viteve të përbashkëta në “Camp Nou”, ata fituan trofe të rëndësishëm dhe lanë gjurmë të pashlyeshme në historinë e Barcelonës. Kombinimi i tyre në repartin ofensiv u shndërrua në një nga simbolet e epokës së artë të klubit katalunas.Edhe sot, tifozët e Barcelonës i kujtojnë me nostalgji vitet kur Messi, Suarez dhe Neymar ndanin të njëjtën dhomë zhveshjeje dhe prodhonin spektakël në fushë, ndërsa miqësia e tyre vazhdonte edhe jashtë saj.Videoja e publikuar nga Neymar ka rikthyer në vëmendje pikërisht atë periudhë, duke treguar edhe anën më njerëzore të tre yjeve që së bashku krijuan një nga kapitujt më të paharrueshëm të historisë së Barcelonës. /Telegrafi/