Bllokimi i minatorëve në Trepçë, Rizvanolli: Menaxhmenti po organizon daljen përmes emergjencës

Iz objave izvora

Një defekt në pajisjet elektrike në minierën e “Trepçës” në Stantërg ka bërë që 63 minatorë të mbeten brenda minierës.Për situatën ka reaguar ministrja e Ekonomisë, Artane Rizvanolli, e cila ka thënë se, bazuar në informacionet e pranuara nga menaxhmenti i “Trepçës”, minatorët janë në gjendje të mirë.“Minatorët që ndodhen brenda minierës pas defektit në pajisjet elektrike janë në gjendje të mirë”, ka deklaruar Rizvanolli.Sipas saj, minatorët janë pjesë e ndërrimit të dytë, i cili përfundon në orën 23:00.Ndërkohë, ekipet teknike janë duke punuar për sanimin e defektit dhe rikthimin e furnizimit me energji elektrike në minierë.Rizvanolli ka bërë të ditur se paralelisht është duke u organizuar edhe dalja graduale e minatorëve përmes daljes emergjente. Pas një defekti me energjinë elektrike, 63 minatorë të “Trepçës” mbesin të ngujuar në tunelin e minierës “Ekipet teknike po punojnë për sanimin e defektit dhe rikthimin e furnizimit me energji. Ndërkohë, po organizohet dalja graduale e minatorëve përmes daljes emergjente”, ka thënë ajo.Në vendngjarje ndodhet edhe menaxhmenti i “Trepçës”, ndërsa për situatën janë mobilizuar edhe Policia e Kosovës dhe ekipet e zjarrfikësve.Deri në këto momente, sipas informatave të menaxhmentit, nuk raportohet për të lënduar dhe gjendja e minatorëve brenda minierës paraqitet e mirë.Puna e ekipeve teknike po vazhdon për eliminimin e defektit dhe normalizimin e furnizimit me energji elektrike./Telegrafi.