Pozoi lakuriq në reklamë, platforma sportive e mbështetur nga Sydney Sweeney arrin vleren prej 2 miliardë dollarësh

Sydney Sweeney mund të jetë kritikuar publikisht për zhveshjen e saj në kuadër të promovimit të platformës së parashikimeve sportive Novig muajin e kaluar, por duket se në fund aktorja po del fituese.Që prej publikimit të fushatës provokuese reklamuese të Novig, në të cilën ajo u shfaq e zhveshur, vlera e kompanisë është rritur ndjeshëm, nga 500 milionë në 2 miliardë dollarë, sipas Wall Street Journal.“Novig vazhdon të tërheqë interesin e investitorëve dhe së shpejti mund të sigurojë kapital shtesë, me një vlerësim edhe më të lartë”, raportoi gazeta. Sweeney zotëron një pjesë të aksioneve të Novig, të cilën e kishte siguruar përpara se të merrte pjesë në fushatën tashmë virale të kompanisë, të titulluar “Just Sports”.Nuk dihet se sa është përqindja e aksioneve që zotëron aktorja, por edhe nëse do të ishte vetëm 1%, kjo pjesë sot do të vlente rreth 20 milionë dollarë. Sweeney ishte një nga personat që morën vendime për fushatën fitimprurëse, në të cilën ajo pozoi tërësisht e zhveshur, duke përdorur vetëm pajisje sportive për të mbuluar pjesët intime.“Ishte një proces shumë emocionues të punoje me të, si në aspektin komercial, ashtu edhe në atë krijues”, tha së fundmi CEO i Novig, Jacob Fortinsky.“Ajo ishte pikërisht personi që drejtonte një pjesë të madhe të vizualeve dhe mesazheve të fushatës”, shtoi ai.Sweeney konfirmoi gjithashtu rolin e saj aktiv në krijimin e fushatës. Në një intervistë për Complex, ajo tha:“Gjithmonë kam besuar se partneritetet më të mira janë ato ku të gjithë bashkëpunojnë.”Ajo shtoi: “Nuk më pëlqen thjesht ta vendos fytyrën time në diçka. Dua të përfshihem vërtet në çdo detaj të projektit dhe të punoj nga afër me një ekip të jashtëzakonshëm.”