E shpëtoi 3 vjeçaren që po mbytej në pishinë, si u bë Liridon Mavraj heroi i Gjermanisë?

Shqiptarët në Evropë po vazhdojnë të tregojnë heroizëm, duke qenë shpetimtarë, në momentet kyqe për shumë njerëz.Fjala është për të riun Liridon Mavraj, i cili, sipas raportimeve të mediave gjermane, para ca kohe ai kishte arritur ta shpëtonte një vajzë të vogël tre vjeçare, që po mbytej në një pishinë në Aschaffenburg, transmeton Telegrafi.Ai ka rrëfyer pastaj se si ishte gjithë rrjedha e kësaj ngjarje, e cila do mbetet gjithmonë në kujtesën e tij.Sipas rrëfimit të Mavrajt, gjithçka kishte ndodhur brenda pak minutave. Pasi bashkëshortja e tij vuri re vogëlushen në ujë dhe kërkoi ndihmë, Liridoni reagoi menjëherë. Pastaj, së bashku me rojën e pishinës, ai nisi manovrat e ndihmës së parë dhe frymëmarrjen artificiale.Pas rreth 30 sekondash ankthi, vogëlushja nisi të merrte frymë, hapi sytë dhe kolliti. Ajo u dërgua më pas në spital, ku, sipas raportimeve të cituara, u konfirmua se ishte jashtë rrezikut për jetën./Telegrafi/