"Do t'ia kthej Shqipërisë përkrenaren dhe shpatën e Skënderbeut", premtimi i kandidatit potencial për president të Austrisë

Günther Fehlinger-Jahn, kryetari i të ashtuquajturit “Komiteti Austriak për Zgjerimin e NATO-s”, shpalli synimin e tij për të paraqitur kandidaturën në zgjedhjet presidenciale të Austrisë në 2028.Por ai pati një premtim të vecantë për Shqipërinë. Ekonomisti dhe aktivisti austriak pohoi përmes një postimi në platformën X se nëse do të zgjidhej në krye të shtetit, do t`i kthente Shqipërisë përkrenaren dhe shpatën e atribuar heroit tonë kombëtar, Gjergj Kastrioti Skënderbeu. “Si President i Austrisë, do të zotohesha të kthej helmetën dhe shpatën e Skënderbeut në Krujë, Shqipëri, për të nderuar Mbretin Skënderbe”, ka deklaruar ai. As President of Austria I pledge to return Skanderbegs Helmet and Sword to Kruja Albania to honor King Skenderbeg https://t.co/HP9jgrSFG5 — Gunther Fehlinger-Jahn (@GunterFehlinger) October 2, 2026 Mesazhi video i politikanit austriak u regjistrua përpara dhomës ku ndodhen përkrenarja dhe shpata e Skënderbeut në Muzeun e Historisë së Artit në Vjenë. /Telegrafi/