Çka përmban opinioni qeveritar për nismën e PDK-së për ndryshimin e ligjit për Specialen?

Iz objave izvora

Pak para mesnatës, mes 2 dhe 3 tetorit, kryeministri Albin Kurti mblodhi online kabinetin qeveritar për t’i dhënë përgjigje nismës së PDK-së për ndryshimin e Ligjit për Dhomat e Specializuara, të njohura ndryshe si Gjykata Speciale.Në parim, Qeveria vlerësoi se nuk ka pengesa ligjore për këtë nismë, megjithatë, në opinionin e dhënë nga Ministria e Drejtësisë tërhiqet vëmendja për ndërlikueshmërinë e saj.Kjo ministri ka vlerësuar se “çështja është komplekse, pasi ndërthur një sërë rregullimesh juridike të natyrave të ndryshme”.“Ndryshimet e propozuara ndërlidhen njëkohësisht me çështje kushtetuese, me funksionimin e Dhomave dhe Zyrës së Prokurorit të Specializuar, me detyrimet ndërkombëtare të Republikës së Kosovës, me marrëveshjet ndërkombëtare përkatëse, si dhe me procedurat gjyqësore në zhvillim” – thuhet në opinionin e MD-së që i është përcjell sekretarisë së Qeverisë e të cilin e ka siguruar Kallxo.com.Departamenti Ligjor i Ministrisë që udhëhiqet nga Donika Gërvalla-Shwarz, pas shqyrtimit të projektligjit të iniciuar nga PDK, ka ardhur në përfundim se çështjet e propozuara që kanë të bëjnë me ndryshimin e juridiksionit lëndor, kohor dhe territorial të Dhomave dhe Zyrës së Prokurorit të Specializuar, transferimin e rasteve në gjykatat dhe prokurorinë vendore, ndryshimin e dënimit maksimal të lejuar, çështjen e faljes së personave të dënuar, si dhe ndryshimin e kompetencave të Dhomës se Specializuar të Gjykatë Kushtetuese, nuk paraqesin, në vetvete, kolizion të drejtpërdrejtë me legjislacionin tjetër që rregullon sistemin e drejtësisë në Kosovë.“Megjithatë, vlerësimi i përputhshmërisë së këtyre ndryshimeve me Kushtetutën e Republikës së Kosovës, veçanërisht me Amendamentin nr.24, si dhe me instrumentet dhe detyrimet ndërkombëtare të Republikës së Kosovës, përfshirë ato që burojnë nga Marrëveshja Ndërkombëtare ndërmjet Republikës së Kosovës dhe Bashkimit Evropian mbi Misionin e Bashkimit Evropian për Sundim të Ligjit në Kosovë, e ratifikuar përmes Ligjit nr. 01/L-