"Kam qenë i fokusuar në shëndet", Buta tregon arsyen që e mbajti më larg muzikës këtë vit

Reperi i njohur kosovar Buta ka sqaruar arsyen pse gjatë këtij viti ka qenë më pak aktiv me projekte të reja muzikore, duke treguar se vëmendjen e tij kryesore e ka përqendruar te shëndeti dhe mirëqenia personale.Përmes një postimi në rrjetet sociale, ai u ka kërkuar ndjesë fansave për mungesën e projekteve të reja, duke bërë të ditur se këtë vit ka vendosur t’i japë përparësi vetes dhe shëndetit.“Më falni që nuk kemi nxjerrë shumë muzikë këtë vit. Kam qenë duke u fokusuar në shëndet. Kam dashur të këndellem këtë vit dhe ia kam arritur. Jam sober (i pastër) që nga janari”, ka shkruar Buta. Foto: Bashbuta/InstagramReperi nuk ka dhënë detaje të tjera rreth sfidave me të cilat është përballur apo arsyes së saktë që e ka shtyrë të fokusohet në këtë drejtim.Megjithatë, përmes deklaratës së tij ai ka bërë të ditur se tashmë ndihet më mirë dhe se e konsideron të arritur qëllimin që i kishte vendosur vetes për këtë vit.Krahas muzikës, Buta ka qenë prej vitesh një prej emrave të njohur të skenës së hip-hopit në Kosovë, ndërsa fansat tashmë mbeten në pritje të projekteve të tij të ardhshme muzikore. /Telegrafi/ Foto: Bashbuta/Instagram