Krizë politike në Spanjë - vendi drejt zgjedhjeve të reja?

Iz objave izvora

Pedro Sánchez ka hyrë në një periudhë reflektimi. Kryeministri spanjoll do ta shfrytëzojë këtë fundjavë për të vendosur nëse do t’i shpallë zgjedhjet e përgjithshme më herët, pasi Parlamenti të premten rrëzoi dy dekretet për strehimin të propozuara nga qeveria e tij socialiste.Humbja në Parlament e ka vendosur qeverinë përballë një situate të re, ndërsa Sánchez duhet të vendosë për të ardhmen e legjislaturës. Sipas burimeve qeveritare të cituara nga disa media spanjolle, kryeministri do të shqyrtojë gjatë ditëve në vijim mundësinë e mbajtjes së zgjedhjeve para fundit të vitit.Vetëm disa orë para votimit, qeveria kishte minimizuar mundësinë e zgjedhjeve të parakohshme, duke këmbëngulur se ato nuk ishin në tryezë. Pas rezultatit, ekzekutivi tha se do ta analizonte situatën, pa përjashtuar asnjë mundësi.Dy dekretet u rrëzuan pas më shumë se katër orësh debat. I pari u kundërshtua me 178 vota kundër dhe 172 pro, ndërsa i dyti me 184 kundër dhe 166 pro.E ardhmja politike e Sánchez në pikëpyetjeNdërsa e ardhmja politike e Sánchez është bërë e pasigurt, reagimet jashtë Parlamentit kanë qenë të menjëhershme. Protestuesit që prej ditësh qëndronin në Puerta del Sol marshuan drejt Parlamentit për të ndjekur votimin, të cilin e konsideronin vendimtar për kërkesat e tyre.Pas rrëzimit të dekretit të parë, disa protestues u kthyen në Sol duke brohoritur “grevë të përgjithshme”. Një asamble ishte planifikuar për pasditen për të vendosur hapat e ardhshëm dhe të ardhmen e protestës.Konfederata e Sindikatave të Qiramarrësve ka bërë thirrje gjithashtu për protesta të shtunën në më shumë se 50 qytete të Spanjës dhe ka sinjalizuar përshkallëzim të protestave, duke thënë se “hapi i ardhshëm është greva e përgjithshme”.Kështu, rrëzimi i dy dekreteve ka hapur dy pikëpyetje të mëdha për fundjavën: nëse Sánchez do të vazhdojë legjislaturën apo do të shpallë zgjedhje të parakohshme, dhe nëse protestat për strehimin do të përshkallëzohen më tej. /Telegrafi/