Trajneri i Portugalisë përgjigjet në pyetjen nëse pendohej për atë që tha për Ronaldon

Ekipi kombëtar i Portugalisë mposhti Danimarkën me rezultat 4-2 në ndeshjen e Ligës së Kombeve, dhe trajneri Jorge Jesus e përshkroi performancën e ekipit të tij si më të mirën e tyre deri më tani.Ai beson se ishte një sekuencë normale ngjarjesh sepse ekipi kishte më shumë kohë për të punuar së bashku dhe për t'u stërvitur. Ndeshja u luajt pas dramës në kamp që përfundoi me largimin e Cristiano Ronaldos nga ekipi kombëtar.Kujtojmë se Ronaldo ishte i pakënaqur që nuk mori një shans gjatë ndeshjes kundër Norvegjisë, në të cilën Portugalia fitoi 2-1. Ronaldo nuk luajti, megjithëse Jesus e dërgoi të ngrohej gjatë ndeshjes, kështu që kapiteni i Portugalisë shkoi në dhomat e zhveshjes pas ndeshjes, i pakënaqur. Cristiano Ronaldo thyen heshtjen pas largimit nga Portugalia Pas kësaj, ai mungoi në stërvitje dhe më pas u largua nga kampi. Ai tha në Instagram se e mori vendimin pasi bisedoi me presidentin e federatës, Pedro Proenço, dhe njoftoi se do t'i shpjegonte arsyet më vonë. Sipas gazetës portugeze Record, emri i Ronaldos nuk u përmend midis pyetjeve gjatë konferencës për shtyp pas fitores kundër Danimarkës, por Jesus u pyet nëse reagimet e fundit ia kishin ndryshuar mendjen në lidhje me deklaratën e tij se disa lojtarë kishin një status të ndryshëm dhe nëse ishte penduar për të gjitha. “CR7 meritonte më shumë respekt”, motra e Ronaldos mbështet kapitenin e Portugalisë pas largimit nga kombëtarja "Jo, aspak. Ka lojtarë që kanë statusin e tyre, por rregullat janë të njëjta për të gjithë. Kështu e kam menduar gjithë karrierën time dhe do të vazhdoj ta bëj këtë", u përgjigj ai.Ndryshe, Ronaldo është rekordmeni i Portugalisë për numrin e paraqitjeve (268) dhe golave (164), fitues i Euro 2016 dhe Ligës së Kombeve në vitet 2019 dhe 2025. /Telegrafi/