Kush ka përparësi në këtë situatë: Vetura apo traktori me dritë të verdhë?

Shumë shoferë japin përgjigjen e gabuar, sepse një detaj në trafik krijon përshtypjen se rregullat ndryshojnëA jeni pyetur ndonjëherë se çfarë nënkuptojnë saktësisht dritat e verdha rrotulluese apo pulsuese në makineritë e punës dhe nëse ato u japin përparësi në çdo kryqëzim?Situatat në trafik shpesh mund të duken të thjeshta, por një detaj i vogël mjafton për të krijuar dilemë. Pikërisht një situatë e tillë, e paraqitur në një test për shoferë, ka nxitur shumë diskutime.Kur uleni pas timonit, mund të mendoni se i njihni mirë rregullat e trafikut dhe se asgjë nuk mund t’ju befasojë. Megjithatë, kjo situatë në dukje e zakonshme kërkon pak më shumë vëmendje.Në situatën e paraqitur në fotografi, shoferi i veturës: ka përparësi kalimi ndaj traktorit që ka të ndezur dritën e verdhë rrotulluese ose pulsuese; është i detyruar ta lëshojë traktorin të kalojë për shkak të dritës së verdhë rrotulluese ose pulsuese. Kur përballemi me një situatë të tillë, shpesh mendojmë se automjeti me dritë sinjalizuese duhet të ketë përparësi. Por drita e verdhë nuk e ndryshon automatikisht rendin e përparësisë në trafik. Cili është përgjigjja e saktë?Sipas situatës së përshkruar në test, përgjigjja e saktë është ajo nën numrin 1: shoferi i veturës ka përparësi ndaj traktorit me dritë të verdhë rrotulluese ose pulsuese.Drita e verdhë në traktor apo në një makineri pune shërben për t’i paralajmëruar pjesëmarrësit e tjerë në trafik për praninë, përmasat, shpejtësinë e ulët ose natyrën e veçantë të atij automjeti.Megjithatë, vetë drita e verdhë nuk i jep automjetit përparësi kalimi. Përparësia përcaktohet nga shenjat e trafikut, semaforët dhe rregullat e përgjithshme që vlejnë në atë kryqëzim. /Telegrafi/