Egla Ceno në mbrojtje të grave të përfshira në skandal: Janë poshtërim publik, shkatërrim

Fituesja e Big Brother VIP Albania 3, Egla Ceno, ka reaguar publikisht pas skandalit të fundit që ka përfshirë disa personazhe të njohura të showbiz-it shqiptar.Përmes një postimi në rrjetet sociale, Ceno ka dënuar publikimin e videove intime, duke e cilësuar atë si një formë poshtërimi dhe dhune ndaj grave që shfaqen në këto materiale.Ajo ka treguar gjithashtu se ka komunikuar me njërën prej grave të përfshira në këtë situatë, së cilës i ka ofruar mbështetjen e saj, ndërsa ka folur edhe për reagimet dhe komentet në rrjetet sociale. View this post on Instagram A post shared by Egla Ceno (@egla_ceno) Postimi i plotë i Egla Cenos:“Dënoj me bindje poshtërimin, linçimin dhe dhunën që po u bëhet atyre grave me video nga krevati. Më vjen ndot nga akti pervers i rregjistrimit dhe akoma më ndot nga publikimi. Ditën e djeshme kam shkëmbyer mesazhe me njërën prej tyre për t’i ofruar mbështetjen time si grua dhe më tha që ndihej keq… mundem vetëm të imagjinoj gjendjen e saj psiko-emocionale.Ndërkohë disa gogolesha u komentojnë vajzave të ekranit ‘ishalla nuk të del ndonjë video’. U them ishalla nuk u del mamave dhe motrave tuaja ndonjë video e tillë se vetëm video nuk janë: janë poshtërim publik, shkatërrim!Boll patë krevatet e të tjerëve o të mjerë, shikoni kush ju ka ulur pantallonat dhe po ju SHISH kurrizin përditë. Në shesh, se është mbushur Tirana me krahë pune që nuk dinë një fjalë Shqip. Po ju fshijnë. Po ju SHISH-in pa krevat fare". /Telegrafi/