Shtatë të vdekur, pas shpërthimit në një fabrikë që prodhon edhe municione në rajonin e Moskës në Rusi

Shtatë persona kanë vdekur në një shpërthim në një fabrikë kimike në rajonin e Moskës në Rusi, ndërsa ekipet e emergjencës ndërhynin për shuarjen e një zjarri në objekt.Sipas mediave të huaja, përcjell Telegrafi, shpërthimi ndodhi në fabrikën kimike "Krasnozavodsk", e cila prodhon municione dhe mjete piroteknike, sipas informacioneve të disponueshme publikisht. Autoritetet nuk kishin dhënë komente mbi incidentin dhe numri i raportuar i viktimave mbeti i pakonfirmuar.Po sipas raportimeve, shtatë personat ndodheshin brenda repartit nr. 4, i cili u shemb plotësisht. Të mbijetuarit thanë se brenda kishte edhe punonjës të tjerë, duke shtuar se operacionet e shpëtimit po vazhdonin.⚡️Meanwhile, an explosion occurred at the Krasnozavodsk Chemical Plant in the Moscow region: at least 7 people were killed Mysticism: during Putin’s speech, central St. Petersburg is on fire, a chemical plant exploded in the Moscow region, and on top of that, a military… https://t.co/FoYbLWUZ8V pic.twitter.com/eiq2Hk7lZV — NEXTA (@nexta_tv) October 1, 2026 Kanali në Telegram "Mash", duke cituar banorë vendas, raportoi për tre shpërthime të fuqishme që tronditën shtëpitë aty pranë para se të shpërthente zjarri.Në atë kohë në fabrikë ndodheshin më shumë se 40 punonjës dhe po kryhej evakuimi, thuhej në raportim.Kanali në Telegram "112", i cili ka lidhje të ngushta me agjencitë ruse të zbatimit të ligjit, gjithashtu raportoi për një shpërthim dhe bëri të ditur se shërbimet e emergjencës po shkonin në vendngjarje.Raportimet paraprake sugjeronin një shkak teknik për shpërthimin. Nuk ishin raportuar sulme ajrore në zonë. /Telegrafi/