Protesta dhe vizita e zyrtarëve evropianë, vështirësohet qarkullimi në Prishtinë

Drejtoria e Mobilitetit e Kryeqytetit ka njoftuar se në disa prej kryqëzimeve dhe akseve kryesore rrugore në Prishtinë ka ngarkesë të shtuar në komunikacion.Sipas njoftimit, vështirësitë në qarkullim janë shkaktuar nga prania e Policisë së Kosovës në trafik, për shkak të protestës së paralajmëruar për sot dhe vizitës së përfaqësuesve evropianë në kryeqytet.“Për këtë arsye, ka vështirësi dhe ngarkesë të shtuar në qarkullimin rrugor”, thuhet në njoftimin e Drejtorisë së Mobilitetit.Nga kjo drejtori u është bërë thirrje pjesëmarrësve në trafik që të respektojnë sinjalizimin rrugor dhe udhëzimet e zyrtarëve policorë.“U bëjmë thirrje të gjithë pjesëmarrësve në trafik që të respektojnë sinjalizimin rrugor, udhëzimet e zyrtarëve policorë dhe të tregojnë kujdes e mirëkuptim gjatë lëvizjes”, thuhet në njoftim.Drejtoria e Mobilitetit ka falënderuar qytetarët për mirëkuptimin gjatë këtyre ndryshimeve në qarkullim. /Telegrafi/