Fushë Kosova merr pronat e AKP-së, miraton edhe buxhetin prej 29.4 milionë eurosh

Asambleja Komunale e Fushë Kosovës ka miratuar buxhetin e Komunës për vitin 2027, në vlerë prej 29.4 milionë eurosh, ka bërë të ditur kryetari i kësaj komune, Valon Prebreza.Përmes një postimi në Facebook, Prebreza ka njoftuar se mbi 11.4 milionë euro nga buxheti i vitit të ardhshëm janë të dedikuara për investime kapitale.“Ky buxhet parasheh investime në infrastrukturë, arsim, shëndetësi, ujësjellës e kanalizim, kulturë, sport, rini dhe hapësira publike, në qytet dhe në të gjitha vendbanimet tona”, ka shkruar Prebreza.Ai ka bërë të ditur gjithashtu se Qeveria ka miratuar kërkesën e Komunës së Fushë Kosovës për bartjen e pronave të Agjencisë Kosovare të Privatizimit (AKP) në pronësi të komunës.Sipas Prebrezës, kjo përbën një hap që krijon mundësi të reja për realizimin e projekteve dhe investimeve në komunë.“Qeveria miratoi kërkesën e Komunës së Fushë Kosovës për bartjen e pronave të AKP-së në pronësi të Komunës, një hap i rëndësishëm që krijon mundësi të reja për projekte dhe investime në shërbim të qytetarëve”, ka shkruar ai.Në fund, kryetari Prebreza ka thënë se komuna do të vazhdojë punën për zhvillimin e Fushë Kosovës dhe përmirësimin e kushteve për qytetarët.“Vazhdojmë me përkushtim për një Fushë-Kosovë më të zhvilluar dhe një të ardhme më të mirë për të gjithë qytetarët tanë!”, ka shkruar Prebreza. /Telegrafi/