Publikohen listat e studentëve të pranuar në konvikte e RMV-së për vitin akademik 2026/2027

Ministria e Arsimit dhe Shkencës ka publikuar rezultatet e Konkursit për akomodimin e studentëve të vitit të parë në konvikte studentore për vitin akademik 2026–2027.Në faqen e internetit të MASh-it janë publikuar listat e studentëve të regjistruar në vitin e parë, të cilët do të akomodohen në konviktet studentore në Shkup, Shtip, Tetovë, Manastir dhe Ohër. Listat janë publikuar gjithashtu edhe në tabelat e njoftimeve të konviktit ku studenti ka aplikuar.Sipas Konkursit për pranimin e studentëve të regjistruar në studime universitare në konviktet shtetërore dhe private në Republikën e Maqedonisë së Veriut për vitin akademik 2026/2027, të cilin MASh-i e publikoi në korrik, ankesa ndaj rezultateve dorëzohet në vetë konviktin ku studenti ka aplikuar, brenda 10 ditëve nga dita e publikimit të rezultateve.Studentët e pranuar, në përputhje me kushtet e konkursit, duhet të vendosen në konvikt duke filluar nga dita e nënshkrimit të kontratës me konviktin ku janë pranuar, por jo më vonë se 10 ditë nga publikimi i listës përfundimtare.