Ambasadori francez: Dialogu me Beogradin esencial për stabilitetin rajonal dhe trajektoren evropiane të Kosovës

Ambasadori i Francës në Kosovë, Jean-François Huchet, ka thënë se zgjerimi i Bashkimit Evropian është rikthyer në qendër të agjendës strategjike të Evropës dhe është shndërruar në një domosdoshmëri gjeopolitike.Duke folur në Prishtinë në diskutimin “Qëndrimet e kryeqyteteve evropiane ndaj zgjerimit: perspektivat, prioritetet dhe rruga e Kosovës drejt BE-së”, Huchet tha se për vite me radhë zgjerimi është trajtuar kryesisht si çështje teknike, ndërsa lufta e Rusisë në Ukrainë ka ndryshuar qasjen ndaj këtij procesi.Sipas tij, projekti evropian është para së gjithash projekt i paqes, sigurisë dhe stabilitetit në kontinent.“Zgjerimi është bërë domosdoshmëri gjeopolitike, mënyrë e përafrimit të Ballkanit Perëndimor fuqishëm brenda Evropës”, tha Huchet.Ai theksoi se Franca mbështet një proces zgjerimi të bazuar në merita, duke nënvizuar se paralelisht duhet të përgatitet edhe vetë Bashkimi Evropian, institucionet, politikat dhe buxheti i tij për një anëtarësi më të gjerë.Duke folur për Kosovën, ambasadori francez tha se rruga e saj evropiane duhet të diskutohet edhe në vetë Kosovën, e jo vetëm në kryeqytetet evropiane.“Kosova ka ndërmarrë hapa të rëndësishëm, ka aplikuar për anëtarësim, qytetarët kanë marrë udhëtimin pa viza në zonën Schengen, një arritje shumë konkrete evropiane”, tha ai.Megjithatë, Huchet vlerësoi se rruga përpara kërkon reforma të qëndrueshme në sundimin e ligjit, forcimin e institucioneve dhe angazhim të vazhdueshëm në dialogun me Beogradin.Ai tha se dialogu me Beogradin mbetet esencial për stabilitetin rajonal dhe për trajektoren evropiane të Kosovës.“Franca qëndron e gatshme që ta përcjellë këtë proces si partner dhe si mik i Kosovës”, u shpreh Huchet, duke përmendur edhe vizitën e fundit në Prishtinë të ministrit francez Benjamin Haddad.Ambasadori francez foli edhe për rëndësinë e sigurisë energjetike, duke thënë se ajo tashmë është e pandashme nga procesi i zgjerimit të BE-së.Sipas tij, çështje si siguria e furnizimit me energji, dekarbonizimi, mo