“Koha të reflektojmë”, Baton Zabërgja thirrje yjeve të Kosovës para përballjes me Izraelin

Sulmuesi Baton Zabërgja thotë se Kombëtarja e Kosovës duhet të reflektojë para sfidës me Izraelin.“Dardanët” duhet patjetër t’i marrin pikët e plota ndaj Izraelit, sidomos pas humbjes nga Austria nëse duan të mbesin në garë për promovim direkt në Ligën A.Për faqen zyrtare të FFK-së, Zabërgja thotë se gjithçka po shkon mirë si dhe atmosfera në kamp është e shkëlqyer.“Stërvitja shkoi mjaft mirë sepse i gjithë ekipi ishte në gjendje të mirë fizike dhe atmosfera është e mirë. Shpresojmë që në ndeshjen e ardhshme të japim maksimumin”.Ai tutje shtoi se kanë analizuar kundërshtarin dhe objektivi është fitorja.“Kemi analizuar Izraelin, janë kundërshtar i fortë dhe duhet t’i qasemi ndeshjes me përqendrim 100 për qind dhe në fund të arrijmë fitoren. Është koha të reflektojmë nga humbja e Austrisë në këtë grup që kemi dhe shpresoj në fitore”.Përndryshe, Zabërgja ka qenë titullar te Kosova në dy përballjet e fundit për Ligën e Kombeve./Telegrafi/