Kosova U21 gati për Qipron, “Dardanët” synojnë tjetër fitore

Iz objave izvora

Përfaqësuesja e Kosovës U21 po vazhdon përgatitjet për ndeshjen e radhës në kuadër të kualifikimeve për Kampionatin Evropian U21, ndaj Qipros U21.“Dardanët” e rinj vijnë në këtë përballje pas fitores bindëse 3-0 ndaj San Marinos javën e kaluar dhe synojnë të arkëtojnë pikët e plota edhe në shtëpi. Ndeshja Kosovë U21 – Qipro U21 do të zhvillohet të mërkurën në stadiumin “Fadil Vokrri”, me fillim nga ora 19:00.Kjo do të jetë ndeshja e parafundit kualifikuese për Evropianin U21, i cili do të mbahet në Shqipëri dhe Serbi në vitin 2027. Ndeshja e fundit për Kosovën do të jetë më 6 tetor, po ashtu në shtëpi, ndaj Finlandës U21. Kosova U21 po zhvillon seancat stërvitore në Kampin Nacional në Hajvali, ku futbollistët po përgatiten për sfidën ndaj Qipros.“Besoj se do ta arrijmë një rezultat pozitiv ndaj Qipros”, ka deklaruar futbollisti i Kosovës U21, Elvir Gashjani.Në të njëjtën linjë është edhe Dren Zeqiri, i cili ka vlerësuar atmosferën në skuadër pas fitores ndaj San Marinos.“Pas fitores në lojën e parë atmosfera është e mirë. Na pret ndeshje e vështirë, por stërvitjet kanë shkuar mirë dhe jemi përgatitur maksimalisht për ndeshjen”, ka theksuar Zeqiri.Kosova U21 aktualisht renditet në vendin e katërt të grupit me 11 pikë dhe nuk ka më gjasa për kualifikim në Evropianin U21.Spanja kryeson grupin me 21 pikë, ndërsa Finlanda është e dyta me 19 pikë. /Telegrafi/