Labinot Rexha publikon fotografi të krijuar me inteligjencë artificiale me Sabri Fejzullahun

Këngëtari Labinot Rexha ka ndarë me ndjekësit një fotografi të realizuar me inteligjencë artificiale, në të cilën shfaqet së bashku me ikonën e muzikës shqiptare, Sabri Fejzullahun.Krahas imazhit, Rexha ka zgjedhur t’i kushtojë artistit disa fjalë të ndjera, duke shprehur admirimin e tij për karrierën dhe kontributin që Fejzullahu ka dhënë ndër vite në muzikën shqiptare.Ai e ka cilësuar Fejzullahun si një figurë frymëzuese për artistët dhe si një shkollë të gjallë, ndërsa ka theksuar se ndihet me fat që jeton në të njëjtën kohë me të dhe ka mundësinë ta njohë nga afër. View this post on Instagram A post shared by LABINOT REXHA (@labinotrexha_) “Sabriu, po ta kisha jetën tënde në dorë, do të ta falja edhe 50 vite të tjera jetë, sepse je një artist që ke lënë gjurmë të mëdha në muzikën shqiptare. Për ne që merremi me artin, je një model, frymëzim dhe shkollë e gjallë", tha ai."Kam një privilegj të madh që jetoj në kohën tënde dhe që kam mundësinë të të njoh, të të dëgjoj e të ndaj momente me ty. Me shumë respekt dhe dashuri, Labi", shtoi tutje.Postimi mori reagime të shumta për faktin që imazhin e bëri me AI, gjë për të cilën pati edhe kritika.Sidoqoftë, Labit kjo nuk i bën përshtypje meqë shpesh ngjall reagime te ndjekësit. /Telegrafi/