Deputetët nisin të mblidhen në Kuvend, vonesa e seancës lidhet me konsultimet për deklaratën për Specialen

Deputetët e Kuvendit të Kosovës kanë nisur të mbërrijnë në ndërtesën e Kuvendit, ndërsa seanca plenare, e paraparë të nisë në orën 11:00, ende nuk ka filluar.Siç mëson Telegrafi vonesa në nisjen e seancës lidhet me konsultimet ndërmjet subjekteve politike lidhur me deklaratën e përbashkët që pritet të dalë nga Kuvendi për Dhomat e Specializuara të Kosovës.E kryetari i PDK-së, Bedri Hamza është deklaruar pas takimit të sotëm, rreth deklaratës së përbashkët për aktgjykimin e Hagës. Vonohet nisja e seancës së Kuvendit, në rend dite aktgjykimi i Speciales Ai tha se teksti është harmonizuar, derisa theksoi se pret mbështetjen e deputetëve për deklaratën.“E kemi tekstin e harmonizuar dhe pres përkrahje të deputetëve të Kuvendit për këtë deklaratë”, tha Hamza.Në rendin e ditës së seancës është miratimi i Deklaratës lidhur me Aktgjykimin e Dhomave të Specializuara të Kosovës të datës 16 shtator 2026.Ndërkohë, deputetët po vazhdojnë të mbërrijnë në Kuvend, ndërsa pritet që pas përfundimit të konsultimeve të nisë seanca plenare../Telegrafi/