Policia kërkon ndihmën e qytetarëve për identifikimin e një personi të dyshuar për vjedhje në Malishevë

rejtoria Rajonale e Policisë në Gjakovë, përkatësisht Stacioni Policor në Malishevë, ka kërkuar ndihmën e qytetarëve për identifikimin dhe lokalizimin e një personi të dyshuar për veprën penale “Vjedhje”.Sipas Policisë, personi i dyshuar më 12 maj 2026, në fshatin Guriq të Komunës së Malishevës, dyshohet se ka kryer veprën penale “Vjedhje”.Policia ka bërë të ditur se, pavarësisht veprimeve dhe angazhimeve të ndërmarra deri më tani, identiteti i personit të dyshuar ende nuk është zbuluar.Në kuadër të procedurave hetimore, me autorizim të Prokurorit të Shtetit, Policia u ka bërë thirrje qytetarëve që, nëse kanë ndonjë informacion që mund të ndihmojë në identifikimin ose lokalizimin e personit që shihet në fotografinë e publikuar nga autoritetet, ta raportojnë atë.Informacionet mund të dërgohen përmes numrit emergjent 192, në stacionin policor më të afërt ose përmes adresës elektronike zyrtare të Policisë së Kosovës.Policia ka garantuar se informacionet e pranuara do të trajtohen me konfidencialitet të plotë dhe në përputhje me legjislacionin në fuqi. /Telegrafi/