Tym i zi nga termocentralet, Kica-Xhelili: Nuk na duhet gazi, kemi helm mjaftueshëm

Deputetja e LDK-së, Doarsa Kica-Xhelili, ka reaguar me një postim në rrjetet sociale, përmes të cilit ka kritikuar zhvillimet politike dhe qasjen ndaj çështjeve që lidhen me energjinë, shëndetësinë dhe bashkëpunimin politik.Kica-Xhelili ka shkruar se Kosovës nuk i duhen “gazi, as termocentralet e reja”, duke shtuar se vendi ka “helm mjaftueshëm”.Ajo ka kritikuar gjithashtu mungesën e bashkëpunimit dhe kompromisit për zgjedhjen e presidentit, duke thënë se “kemi ego mjaftueshëm”.Në reagimin e saj, deputetja ka përmendur edhe gjendjen në shëndetësi, duke ironizuar me shprehjen se “shëndeti është luks”.Në fund, Kica-Xhelili ka kritikuar përqendrimin në “inatet politike”, duke e lidhur atë me mungesën e vëmendjes ndaj, siç e quan ajo, “luftimit të helmit”. /Telegrafi/