Prishtina edhe sonte në protestë, qytetarët mblidhen në mbështetje të ish-krerëve të UÇK-së

Mijëra qytetarë janë mbledhur sonte në sheshin “Skënderbeu” në Prishtinë, në mbështetje të ish-krerëve të Ushtrisë Çlirimtare të Kosovës.Për të 12-tën natë me radhë, mijëra qytetarë janë mbledhur të dielën në sheshin “Skënderbeu” në Prishtinë, në mbështetje të ish-krerëve të Ushtrisë Çlirimtare të Kosovës (UÇK), nën moton “Jo në emrin tim”.Protesta ka nisur rreth orës 21:00 dhe është shoqëruar me mesazhe për drejtësi, si dhe me thirrje drejtuar institucioneve të Kosovës që të ndërmarrin hapa lidhur me aktgjykimin dënues të Dhomave të Specializuara në Hagë.Tubimi u mbajt në shenjë kundërshtimi ndaj aktgjykimit të Dhomave të Specializuara në Hagë, me të cilin ish-krerët e UÇK-së u dënuan me gjithsej 81 vite burgim. Protesta kundër aktgjykimit janë mbajtur gjatë ditës edhe në Shkup, ndërsa tubime të ngjashme janë zhvilluar në Melburn të Australisë, Oslo të Norvegjisë, Gjenevë të Zvicrës dhe qytete të tjera në mbarë botën.Ndërkohë, tifo-grupet kanë protestuar më herët sot në Prishtinë kundër vendimit të Dhomave të Specializuara ndaj katër ish-krerëve të UÇK-së./Telegrafi/