Gani Sejdiu analizon Kosovën në aspektin taktik: Ishin të jashtëzakonshëm ndaj Irlandës

Në episodin më të ri të podcastit “Arena e Yjeve”, mysafir ishte trajneri i njohur kosovar, Gani Sejdiu, i cili foli për rrugëtimin e tij në futboll, nga karriera si futbollist te sukseset e shumta si trajner. Ky episod realizohet me mbështetjen e sponsorit zyrtar Exfis.Trajneri kosovar ka analizuar më në detaje fitoren e Kosovës ndaj Irlandës, duke i dhënë merita të veçanta përzgjedhësit Franco Foda për mënyrën se si e ka përgatitur ndeshjen.“Fillimisht për lojën, pa kalu pastaj te ajo se si kemi ardhë deri te kjo është me rëndësi. Vërtet kam qenë i fascinum me mënyrën se si kanë luajtë. Unë, pak kam pas një lloj skepticizmi në kuptimin që deshëm nuk deshëm këto gjëra që kanë ndodhë para kësaj loje, këto me kapitenin, me këto. Domethënë, domosdoshmërisht ndikojnë ato në ambientin e kombëtares”.Ju kam frikësu pak që kjo mundet me ndjeku pak në atë pjesë, po megjithatë u pa shumë qartë që lojtarët ishin të motivuar. U pa shumë qartë që trajneri, dmth Foda, e kishte menaxhuar këtë pjesë jashtëzakonisht mirë.“Edhe e pashë një ekip në fushë me të njëjtin sistem, domethënë që prej kur ka fillu me atë sistem, tash e të tregojmë kur ka filluar ajo kthesa që e ka bë dhe që është shumë me rëndësi me të njëjtin sistem, do të thotë është mënyra, motivi i lojtarëve, shumë interesant që edhe stadiumi ishte pothuajse përplot”.“Ka qenë shumë me rëndësi kjo përkundër asaj çështje ashtu si shtrenjtimi i biletave e gjitha këto, edhe si shtet qysh po kalojmë këtu, këto farë problem që i po i kemi, por shumë mirë që ishte stadiumi pothuajse përplot”, ka thënë Sejdiu mes tjerash.Episodin e plotë me Gani Sejdiun mund ta ndiqni në kanalin zyrtar të Telegrafit në YouTube. /Telegrafi/