Mustafa: Vendimi i 16 shtatorit ka goditur rëndë Kosovën, është goditur lufta çlirimtare

Deputeti i Partisë Demokratike të Kosovës (PDK), Arben Mustafa, ka kritikuar vendimin e Dhomave të Specializuara të Kosovës në Hagë ndaj ish-krerëve të Ushtrisë Çlirimtare të Kosovës (UÇK).Duke folur në emisionin “Përballje Podcast” në Telegrafi.com, Mustafa tha se aktgjykimi i 16 shtatorit ka goditur rëndë Kosovën dhe popullin e saj.“Vendimi i gjashtëmbëdhjetë shtatorit ka goditur rëndë Kosovën, ka goditur rëndë popullin e Kosovës. Është një vendim i papranueshëm dhe i padrejtë. Është goditur lufta çlirimtare, është goditur kauza me të cilën kemi ardhë deri te liria dhe deri te shteti”, tha Mustafa. Mustafa: Shteti të sigurojë mbështetje financiare dhe diplomatike për mbrojtjen e ish-krerëve të UÇK-së në Hagë Sipas tij, ky vendim prek jo vetëm të kaluarën, por edhe të tashmen dhe të ardhmen e shtetit të Kosovës.“Me këtë është goditur edhe e kaluara, edhe e tashmja, por është goditur edhe e ardhmja e shtetit të Kosovës dhe ky qëndrim nuk është i pranueshëm”, u shpreh ai. Mustafa nga PDK: Projektligji për Specialen të mos bëhet pjesë e pazareve politike për Presidentin Deputeti i PDK-së tha se kundërshtimi ndaj aktgjykimit po shprehet edhe përmes protestave të qytetarëve në Prishtinë.“Fakti që nuk është i pranueshëm, po dëshmohet çdo ditë edhe nga protestat masive, që po vazhdojnë çdo ditë e çdo natë nga qytetarët e Kosovës, të cilët shprehen lirshëm dhe me zë të lartë që nuk mundet një gjykatë të marrë vendime të tilla të padrejta në emër të popullit të Kosovës”, deklaroi Mustafa./Telegrafi/