Zidane prek ‘pikën e dobët’ të Mbappes, ylli francez nuk po e pranon rolin e vjetër

Kylian Mbappe pati një mbrëmje të veçantë me Francën në fitoren 1-0 ndaj Turqisë në Ligën e Kombeve, pasi përveç golit të vetëm të ndeshjes, ai pësoi edhe një dëmtim në gjurin e majtë.Ndeshja ishte gjithashtu debutimi i Zinedine Zidane si përzgjedhës i Francës, ndërsa legjenda franceze zgjodhi një 4-3-3, duke e vendosur Mbappen në krahun e majtë, Michael Olisen në të djathtë dhe Ousmane Dembelen në qendër të sulmit.Sipas L’Equipe, ky pozicionim nuk i ka pëlqyer Mbappes, i cili raportohet se ka mbetur i frustruar nga vendimi për ta aktivizuar në krahun e majtë, duke qenë se në periudhën e fundit është mësuar të luajë më shumë si sulmues qendror.Nën drejtimin e Didier Deschamps, kapiteni i Francës kishte më shumë liri për të vepruar si pika kryesore e sulmit, ndërsa Zidane duket se po kërkon një qasje më fleksibile. Zidane alarmon tifozët e Real Madridit, jep lajmin e keq për lëndimin e Mbappes Sipas raportimeve, trajneri i ri i “Gjelave” preferon t’u japë më shumë liri lojtarëve për të shfaqur kreativitetin e tyre, në vend që t’i kufizojë me një strukturë taktike tepër të ngurtë.Megjithatë, debutimi i Zidane u shoqërua me një shqetësim të madh, pasi Mbappe u detyrua të largohej nga fusha në minutën e 59-të, vetëm pak minuta pasi kishte shënuar golin e fitores./Telegrafi/