Numërimi mbrapsht ka nisur, Ramë Lahaj sjell “PASSION & ORIGIN” në Cyrih

Numërimi mbrapsht ka nisur për një nga koncertet e shumëpritura të tenorit kosovar me famë ndërkombëtare, Ramë Lahaj.Cyrihu do të jetë ndalesa e parë e turneut të tij ndërkombëtar “PASSION & ORIGIN”, i cili nis më 10 tetor 2026 në skenën e Kongresshaus Zürich.Lahaj do të ngjitet në skenë së bashku me ARMA Ensemble, për të sjellë një program muzikor që ndërthur këngët shqiptare, të lidhura ngushtë me origjinën dhe vendlindjen e tij, me vepra dhe këngë ikonike të repertorit ndërkombëtar.Koncerti do të mbahet më 10 tetor 2026, duke nisur nga ora 20:00, në Kongresssaal të Kongresshaus Zürich.“PASSION & ORIGIN” pritet të jetë një udhëtim artistik përmes rrënjëve shqiptare të Lahajt dhe repertorit ndërkombëtar, duke bashkuar në një program të vetëm identitetin, emocionin dhe përvojën e tij në skenat e mëdha botërore.Për të gjithë ata që dëshirojnë të jenë pjesë e këtij koncerti, biletat janë në dispozicion përmes Ticketmaster. /Telegrafi/