Van Dijk ende pa u larguar, Liverpooli tashmë ka zgjedhur zëvendësuesin e tij

Liverpooli po synon transferimin e Jarrad Branthwaite, mbrojtësit të Evertonit, si pasues të Virgil van Dijkut për sezonin e ardhshëm, ndërsa forcimi i repartit defensiv pritet të jetë një prej prioriteteve të klubit në afatin e ardhshëm kalimtar.Sipas Football Insider, drejtuesit e Liverpoolit e kanë vendosur reprezentuesin anglez në krye të listës së dëshirave për të marrë vendin e Van Dijkut, kontrata e të cilit skadon në fund të sezonit aktual.24-vjeçari rinovoi kontratën me Evertonin verën e kaluar, duke e zgjatur qëndrimin e tij në “Hill Dickinson Stadium” deri në qershor të vitit 2030. Nën drejtimin e David Moyesit, mbrojtësi me këmbën e majtë ka siguruar një vend titullari, duke bërë që rivali lokal i Liverpoolit t’i vendosë një çmim të lartë për të dekurajuar ofertat.Skadimi i kontratës së Van Dijkut në vitin 2027 e ka detyruar drejtuesit e Liverpoolit të mendojnë për një mbrojtës me këmbën e majtë dhe me përvojë në Ligën Premier. Ish-shefi i skautëve, Mick Brown, ka konfirmuar për Football Insider se Branthwaite i plotëson kriteret e kërkuara për këtë pozitë.24-vjeçari është gjithashtu në radarin e klubeve të tjera evropiane, por afërsia gjeografike e lehtëson punën e vëzhguesve të Liverpoolit. Skautët e klubit pritet t’i ndjekin nga afër ndeshjet e Branthwaite në kampionatin anglez gjatë muajve tetor dhe nëntor të vitit 2026./Telegrafi/