Brazili ndalon plotësisht bastet online, qytetarëve u shlyhen deri në 90 për qind të borxheve

Presidenti i Brazilit, Luiz Inacio Lula da Silva, njoftoi të premten ndalimin e basteve online në vendin më të madh të Amerikës së Jugut, si dhe prezantoi një program të ri që synon t’ua lehtësojë familjeve shlyerjen e borxheve.Përmes një dekreti ekzekutiv, Lula da Silva ndalon aktivitetin e kompanive të basteve online në Brazil, më pak se dy vjet pasi qeveria kishte krijuar kuadrin ligjor që i mundësonte kësaj industrie të operonte.Dekreti duhet të miratohet nga Kongresi brenda 120 ditësh për të mbetur në fuqi, raportojnë mediat.Autoritetet braziliane paralajmërojnë se rritja e shpenzimeve për lojërat e fatit ka rënduar buxhetet familjare dhe ka kontribuar në nivele rekord të borxheve të familjeve.Sipas sondazheve të fundit, rreth tri të katërtat e brazilianëve mbështesin ndalimin e plotë të basteve online.“Përballemi me një problem të shëndetit publik të lidhur me bastet online. Është një problem serioz”, tha ministri i Financave, Dario Durigan.Faqet e kompanive të basteve do të jenë të qasshme deri më 5 tetor, në mënyrë që përdoruesit të mund të tërheqin paratë e mbetura në llogaritë e tyre.Nga 6 tetori, operatorët e rrjeteve dhe platformat e aplikacioneve do të duhet të bllokojnë qasjen në këto faqe.Bastet online u legalizuan në Brazil në vitin 2018, gjatë mandatit të ish-presidentit Michel Temer.Në vitin 2023, Lula da Silva nënshkroi një ligj që përcaktonte rregullat për këtë industri dhe lejonte, krahas basteve sportive, edhe lojërat në kazinotë online.Që nga janari i vitit 2025, operatorët e licencuar mund të ofrojnë shërbimet e tyre në të gjithë vendin, nëse paguajnë tarifën e koncesionit dhe plotësojnë kërkesat e tjera rregullatore. /Telegrafi/