Komuna e Ferizajt ndan bursa për studentët e drejtimeve deficitare të Matematikës dhe Fizikës

Komuna e Ferizajt ka marrë vendim për ndarjen e bursave për studentët që ndjekin studimet në drejtimet deficitare të Matematikës dhe Fizikës, për vitin akademik 2025–2026. Vendimi është marrë nga Komisioni për ndarjen e bursave, pas përfundimit të procedurave të shqyrtimit dhe kontrollit të dokumentacionit të studentëve që kanë aplikuar për bursë komunale. Sipas vendimit të publikuar nga Drejtoria e Arsimit, bursat u janë ndarë katër studentëve, të cilët janë përzgjedhur në bazë të kritereve të përcaktuara, përfshirë edhe notën mesatare të studimeve. Përfituesit e bursave: Leunita PajiqiMimoza PalojaEra BytyçiAurora Halili Vendimi është nënshkruar më 25 shtator 2026 dhe hyn në fuqi në ditën e nënshkrimit. Në dokument bëhet e ditur gjithashtu se palët e pakënaqura me vendimin kanë të drejtë të paraqesin ankesë pranë Komisionit për Shqyrtimin e Ankesave, brenda afatit prej 30 ditësh nga data e publikimit të vendimit. /Telegrafi/