Nga “Fadil Vokrri” në Vjenë: Kosova nis përgatitjet për sfidën ndaj Austrisë

Pas fitores së mbrëmshme 1-0 ndaj Irlandës, Kosova i është rikthyer menjëherë përgatitjeve për sfidën e radhës në Ligën e Kombeve, atë ndaj Austrisë.“Dardanët” zhvilluan sot seancën stërvitore, me përzgjedhësin Franco Foda që kishte në dispozicion 16 futbollistë. Ndërkohë, 11-shja që e nisi nga minuta e parë ndaj Irlandës zhvilloi një seancë rigjeneruese në hotel.Atmosfera në kampin e Kosovës është pozitive pas nisjes me fitore, ndërsa vëmendja tashmë është përqendruar te përballja e së dielës në Vjenë ndaj Austrisë, e konsideruar si një prej sfidave më të vështira në grup.“Dardanët” synojnë të vazhdojnë me rezultate pozitive edhe në këtë përballje, në një ndeshje që pritet të jetë një tjetër test i rëndësishëm për skuadrën e Fodës. /Telegrafi/