Përplasjet politike në Istog pas thirrjes së seancës për ish-krerët e UÇK-së në Hagë

Iz objave izvora

Thirrja e një seance të jashtëzakonshme të Kuvendit Komunal të Istogut për miratimin e një deklarate lidhur me aktgjykimin ndaj ish-krerëve të UÇK-së në Hagë ka nxitur përplasje mes degëve lokale të LDK-së dhe PDK-së.Seanca ishte thirrur për të premten me iniciativë të kryetarit të degës së PDK-së në Istog, Ali Nimanaj. Ai kishte bërë publike të enjten thirrjen për mbledhjen e jashtëzakonshme, në të cilën pritej të shqyrtohej dhe miratohej një deklaratë në lidhje me aktgjykimin e Gjykatës Speciale.Kryetari i Istogut, Ilir Ferati, nga radhët e LDK-së, ka thënë se për thirrjen e kësaj seance nuk kishte pasur diskutime me akterët e tjerë politikë në komunë.Ferati ka pretenduar se seanca e rregullt e Kuvendit Komunal ishte planifikuar për të hënën dhe se në rend dite ishte paraparë edhe shqyrtimi i një deklarate kundër aktgjykimit të Hagës.“Si Kryetar i Komunës, asnjë diskutim s’kam pasë me asnjë akter politik partiak lokal në raport me seancën e thirrur për të shqyrtuar dhe aprovuar deklaratën kundër Aktgjykimit të Hagës, as nuk na janë kërkuar nënshkrimet e grupit të kuvendarëve të LDK-së për seancë!”, ka shkruar Ferati në Facebook.Në anën tjetër, Nimanaj ka reaguar pas zhvillimeve të së premtes, duke njoftuar se mbledhja e jashtëzakonshme e Kuvendit Komunal nuk është mbajtur për shkak të mungesës së kuorumit.Ai e ka cilësuar mungesën e kuorumit si përpjekje për “bojkot të historisë”.Përplasja mes dy subjekteve politike lokale është zhvilluar rreth mënyrës së thirrjes së seancës dhe trajtimit të deklaratës lidhur me aktgjykimin ndaj ish-krerëve të UÇK-së. /Telegrafi/