Rama: Prishtina krijon ndërmarrjen “Pastrimi”, kapitull i ri për menaxhimin e mbeturinave

Kuvendi Komunal i Prishtinës ka votuar për themelimin e Ndërmarrjes Komunale “Pastrimi”.Përmes një postimi në Facebook, kryetari i kryeqyteti Përparim Rama e ka cilësuar këtë vendim si një prej vendimeve më të rëndësishme për qytetarët e kryeqytetit.Sipas tij, Prishtina po kalon nga një kompani rajonale që menaxhonte shërbimin për gjashtë komuna në një ndërmarrje të vetën komunale.“Prishtina po kalon në ndërmarrje të vetën, të Kryeqytetit, për Kryeqytetin dhe në shërbim të qytetarëve të tij”, ka shkruar Rama. Miratohet propozimi për themelimin e NPL “Pastrimit” në Prishtinë Ai ka thënë se themelimi i ndërmarrjes paraqet fillimin e një sistemi të ri për menaxhimin e mbeturinave në kryeqytet.“Një sistem ku Prishtina planifikon vetë, investon vetë, rrit kapacitetet dhe mban përgjegjësi të drejtpërdrejtë për pastërtinë e qytetit”, ka deklaruar Rama.Kryetari i Prishtinës ka thënë se votimi i sotëm synon, sipas tij, një zgjidhje afatgjatë për menaxhimin e mbeturinave në kryeqytet.Ai ka falënderuar asamblistët që votuan pro themelimit të ndërmarrjes.“Urime, Prishtinë! Një kapitull i ri fillon sot”, ka përfunduar Rama. /Telegrafi/