Havolli kundërshton pagesën prej 2 eurosh për hyrjen në Prishtinë: Cili ligj e autorizon Komunën?

Iz objave izvora

Anëtari i LDK-së dhe ish-drejtori i Investimeve Kapitale në Komunën e Prishtinës, Sokol Havolli, ka kundërshtuar planifikimin e Komunës për vendosjen e një pagese prej dy eurosh për automjetet që hyjnë në zonën e unazës së brendshme të kryeqytetit.Havolli ka ngritur pikëpyetje lidhur me bazën ligjore të kësaj pagese, duke kërkuar të dihet se cili ligj e autorizon Komunën e Prishtinës për vendosjen e saj.“Një pagesë për çdo veturë që hyn në një zonë të Prishtinës nuk do t’i kalojë filtrat e Ministrisë e po ashtu, nëse i kalon, rrëzohet/shfuqizohet nga Gjykata”, ka shkruar Havolli.Sipas tij, një rregullore komunale mund të zbatojë vetëm një kompetencë që i është dhënë Komunës me ligj dhe nuk mund të krijojë vetë një detyrim të ri financiar për qytetarët. 2 euro në ditë për veturat që qarkullojnë brenda unazës së Prishtinës, Sveçla: Propozim i qeverisjes Rama “Cili ligj e autorizon Komunën ta vendosë këtë pagesë?”, ka pyetur ai.Havolli pretendon se detyrimi për pagesën e re nuk parashihet në ligj dhe, për këtë arsye, e konsideron atë si “taksë të kundërligjshme”.“Nëse Prishtina dëshiron taksë për hyrje në disa zona të qytetit, duhet të bëhet me ligj nga Kuvendi i Kosovës”, ka shkruar ai.Sipas planifikimit të Komunës, pagesa prej dy eurosh do të lidhej me hyrjen e automjeteve në zonën e unazës së brendshme, ku përfshihen rrugët “Fehmi Lladrovci”, “Xhevë Lladrovci”, “Afrim Zhitia”, “Agim Ramadani”, “Ilir Konushevci”, “Hekurudha”, “Sami Plakolli”, “Zagrebi”, “Tirana”, “Jusuf Gërvalla” dhe “5 Maji”.Havolli ka thënë se menaxhimi i trafikut është përgjegjësi e institucioneve, por sipas tij, mbledhja e parave nga qytetarët është çështje që duhet të mbështetet në ligj.“Menaxhimi i trafikut është përgjegjësi. Mbledhja e parave nga qytetarët është kompetencë që duhet të buron nga ligji”, ka përfunduar ai. /Telegrafi/