Kisha në Ukrainë shkatërrohet nga bomba ruse

Iz objave izvora

Të martën, gjatë një sulmi ajror rus në Kramatorsk, në rajonin e Donetskut, humbi jetën një person dhe u plagosën pesë të tjerë. Forcat ruse sulmuan qytetin me bomba dhe dronë. Mes dhjetëra objekteve civile të dëmtuara ishte edhe Kisha Ortodokse e Shën Gjon Pagëzorit.Policia rajonale njoftoi se gjatë sulmit u përdorën bomba të drejtuara KAB-500 dhe KAB-250. Nga goditjet u dëmtuan rreth 70 objekte civile, përfshirë 10 ndërtesa banimi, 54 shtëpi, një degë banke, një dyqan dhe disa automjete.Kisha Ortodokse e Ukrainës njoftoi se Kisha e Shën Gjon Pagëzorit ka pësuar dëme të mëdha. Janë dëmtuar muret, çatia dhe kupola. “Valëgoditja e ka deformuar konstruksionin metalik të objektit, ndërsa e gjithë zona është mbuluar me mbetje”, thuhet në njoftimin e kishës.Sulmi në Kramatorsk vjen në një periudhë kur gjatë pushtimit rus janë dëmtuar apo shkatërruar objekte të trashëgimisë fetare dhe kulturore në Ukrainë.Më 2 gusht, një sulm rus me dron shkatërroi Kishën e Shën Vvedenskës në Berislav, në rajonin e Khersonit. Kisha prej druri, e ndërtuar në vitin 1726, ishte pothuajse 300-vjeçare dhe ishte e mbrojtur si monument arkitekturor.Ndryshe, pushtimi rus deri më tani ka shkaktuar rreth 4.65 miliardë dollarë dëme të drejtpërdrejta në sektorin kulturor të Ukrainës, ndërsa humbjet indirekte arrijnë në rreth 24 miliardë dollarë. /Telegrafi/