Margot Robbie e ndryshoi mbiemrin në atë të burrit të saj pas 10 vjetësh martesë, tani mbiemri i saj është Ackerley

Aktorja Margot Robbie ka ndryshuar zyrtarisht mbiemrin e saj dhjetë vjet pasi u martua me bashkëshortin e saj Tom Ackerley. Edhe pse e ka përdorur mbiemrin e vajzërisë Robbie gjatë gjithë karrierës së saj, tani ajo është e listuar si Margot Ackerley në dokumentet zyrtare.Ndryshimi u regjistrua në dokumentet e regjistrit britanik të Companies House që lidhen me kompaninë e prodhimit Luckychap Entertainment. Është një kompani që Margot e themeloi së bashku me bashkëshortin e saj Tom Ackerley, Josey McNamara dhe Sophia Kerrback.Margot dhe Tom u martuan në dhjetor 2016, pas dy vitesh lidhje. Çifti pati fëmijën e tyre të parë, një djalë, në vitin 2024.Edhe pse kryesisht e mbajnë jetën e tyre private larg syrit të publikut, Margot ka folur më parë se si marrëdhënia e tyre u zhvillua nga miqësi në dashuri.Në një intervistë të vitit 2016 me Vogue, ajo zbuloi se ajo dhe Tom kishin qenë miq për një kohë të gjatë përpara se të fillonin të dilnin bashkë. Siç shpjegoi në atë kohë, fillimisht ishte e bindur se ai nuk ndiente të njëjtën gjë për të, prandaj u përpoq t’i fshihte ndjenjat e saj.