Vazhdimisht pyetej nga gazetari rus se kur do të shkojë në Moskë, përgjigja e presidentit ukrainas u bë virale

Një përplasje e shkurtër verbale u regjistrua në New York, ku disa propagandistë rusë tentuan t’i ndalonin presidentit ukrainas, Volodymyr Zelensky, rrugën duke i bërë vazhdimisht të njëjtën pyetje: “Kur do të shkosh në Moskë?”Incidenti ndodhi më 23 shtator dhe pamjet u shpërndanë më pas në rrjetet sociale, transmeton Telegrafi.“Volodymyr Oleksandrovych, kur do të shkosh në Moskë? Kur do të shkosh në Moskë? Kur po planifikon të shkosh në Moskë? Kur do të shkosh në Moskë?”, dëgjohen duke bërtitur në gjuhën ruse.Zelensky fillimisht nuk reagoi dhe vazhdoi të ecte. Por, pasi hyri në një zonë ku këta persona nuk lejoheshin të hynin, presidenti ukrainas u kthye dhe u përgjigj shkurt: “Me raketë, dreq”, u përgjigj presidenti ukrainas dhe më pas vazhdoi rrugën pa u ndalur.Incidenti ndodhi një ditë pas takimit të Zelenskyt me presidentin amerikan Donald Trump në kuadër të Asamblesë së Përgjithshme të OKB-së në New York.Gjatë takimit, dy liderët diskutuan hapat për t'i dhënë fund luftës së Rusisë kundër Ukrainës, ndërsa Zelensky kërkoi edhe mbështetje për prodhimin e raketave për sistemet amerikane të mbrojtjes ajrore Patriot.Presidenti ukrainas kërkoi gjithashtu një paketë mbështetjeje për Ukrainën gjatë dimrit dhe shprehu shpresën se lufta mund të përfundojë deri në dimër. /Telegrafi/👀 Російські репортери у Нью-Йорку запитали Зеленського, коли він відвідає Москву. Президент України відповів: «На ракеті»📹: Clash Report / Telegram https://t.co/wAHwFWelop — NV (@tweetsNV) September 23, 2026