Alban Bushi publikon listën e Shqipërisë U-21 për ndeshjen ndaj Ukrainës, ia “rrëmben” Kosovës një lojtar

Kombëtarja e Shqipërisë U-21 do të vijojë përgatitjet me një tjetër ndeshje miqësore në kuadër të rrugëtimit drejt Kampionatit Evropian U-21, “EURO 2027”.Kuqezinjtë e drejtuar nga Alban Bushi do të përballen me Ukrainën U-21 më 5 tetor, në stadiumin “Szentmarjay Tibor Városi Stadion”, në Eger të Hungarisë, në orën 15:30.Grumbullimi i skuadrës do të nisë më 28 shtator në Tiranë, ndërsa trajneri Alban Bushi ka publikuar listën me 21 lojtarët e ftuar për këtë ndeshje.Lista sjell edhe katër risi, me dy prej tyre që vijnë nga Kombëtarja U-19.Për herë të parë me Kombëtaren U-21 janë grumbulluar Mattia Huqi dhe Gabriel Kulla, ndërsa mbrojtësit Numan Ajetovikj, futbollist i Egnatias, dhe futbollisti i Malishevës, Omer Bajraktari, i cili luante me moshat e Kosovës, kanë zgjedhur të përfaqësojnë Shqipërinë. Bajraktari me fanellën e KosovësNdeshja ndaj Ukrainës është pjesë e programit të përgatitjeve të Kombëtares U-21 për Kampionatin Evropian U-21 2027. Shqipëria U-21 do të jetë pjesë e turneut final si një nga vendet organizatore, së bashku me Serbinë. /Telegrafi/