Policia gjermane shpall në kërkim 23-vjeçarin nga Vushtrria, dyshohet për vrasjen e një 15-vjeçari

Policia gjermane ka shpallur në kërkim publik 23-vjeçarin Albin Bejtullahu, shtetas i Kosovës nga Vushtrria, i cili dyshohet për përfshirje në vrasjen e një 15-vjeçari në qytetin Marsberg të Gjermanisë.Ngjarja ka ndodhur të shtunën, më 19 shtator, rreth orës 20:30.Sipas Policisë së Dortmundit dhe Prokurorisë së Arnsbergut, viktima 15-vjeçare ka pësuar plagë të rënda nga një mjet i mprehtë gjatë një përleshjeje dhe ka ndërruar jetë në vendin e ngjarjes.Në të njëjtin incident, një 18-vjeçar nga Marsbergu ka mbetur i plagosur rëndë dhe është dërguar për trajtim në spital.Autoritetet gjermane kanë publikuar fotografitë e dy personave të dyshuar, Albin Bejtullahut, 23 vjeç, dhe Alex Olntasit, 22 vjeç, të dy nga Hamm, të cilët aktualisht ndodhen në arrati, raporton Bild.Për ta është lëshuar urdhër-arrest nën dyshimin për vrasje dhe lëndim të rëndë trupor.Sipas hetimeve të deritanishme, përleshjes fatale i ka paraprirë një konflikt verbal mes dy të dyshuarve dhe një grupi personash nga Marsbergu dhe Rütheni, në të cilin ndodheshin edhe dy viktimat.Konflikti më pas ka eskaluar në përleshje fizike, e cila ka përfunduar me vdekjen e 15-vjeçarit dhe plagosjen e rëndë të 18-vjeçarit.Policia dhe Prokuroria kanë kërkuar ndihmën e qytetarëve për lokalizimin e dy të dyshuarve, ndërsa kanë theksuar se aktualisht nuk vlerësohet se ekziston rrezik për publikun.Hetimet për zbardhjen e plotë të rastit janë duke vazhduar.