Trump falënderon Kosovën dhe Shqipërinë për angazhimin e trupave në Gaza

Presidenti i Shteteve të Bashkuara të Amerikës, Donald Trump, ka falënderuar Kosovën dhe Shqipërinë për angazhimin e trupave në misionin paqeruajtës në Gaza, të mandatuar nga Organizata e Kombeve të Bashkuara.Trump e bëri këtë deklaratë gjatë fjalimit të tij në Asamblenë e Përgjithshme të OKB-së, ku foli për përpjekjet ndërkombëtare për vendosjen e paqes dhe stabilitetit në Gaza.Presidenti amerikan përmendi Kosovën dhe Shqipërinë mes vendeve që kanë shprehur gatishmëri për të kontribuar me trupa në misionin ndërkombëtar, duke i falënderuar për këtë angazhim.“Gjithashtu dua të falënderoj ata që kanë angazhuar trupa, polici dhe trajnim për të ndihmuar në stabilizimin e Gazës, përfshirë Indonezinë, Marokun, Shqipërinë, Kosovën, Kazakistanin, Egjiptin, Jordaninë e të tjerë”, tha Trump. Kuvendi i Kosovës miraton dërgimin e FSK-së në mision ndërkombëtar stabilizues në Gaza Misioni synon të kontribuojë në ruajtjen e sigurisë dhe krijimin e kushteve për stabilitet në Gaza, në kuadër të një mekanizmi të mandatuar nga OKB-ja.Në muajin prill, ministri i Mbrojtjes i Kosovës, Ejup Maqedonci, tha se kontingjenti i Forcës së Sigurisë së Kosovës do të përbëhet nga disa dhjetëra pjesëtarë, përfshirë pjesëtarë të njësive të deminimit. Ata pritet të kryejnë detyra të sigurisë, mbështetjes humanitare dhe detyra të tjera sipas mandatit të forcës.Më 7 shtator 2026, Kosova nënshkroi marrëveshjen për pjesëmarrje në Forcën Ndërkombëtare të Stabilizimit në Gaza, por edhe në këtë marrëveshje nuk është bërë i ditur numri i trupave apo një afat zyrtar për dislokimin e tyre. - YouTube www.youtube.com