Po vazhdon mirëmbajtja e rrugëve, punime edhe në rrugën nacionale N9 në rajonin e Pejës

Ministria e Infrastrukturës dhe Transportit ka njoftuar se po vazhdojnë punimet për mirëmbajtjen e rrugëve në të gjithë territorin e Kosovës.Në kuadër të planit mujor të mirëmbajtjes, ekipet janë duke zhvilluar punime në rrugën nacionale N9, në zonën e Dukagjinit, përkatësisht në rajonin e Pejës.Sipas ministrisë, ekipet janë vazhdimisht në terren me qëllim të përmirësimit të kushteve të qarkullimit dhe rritjes së sigurisë rrugore.Ministria ka bërë të ditur se po vazhdon zbatimin e planeve mujore të mirëmbajtjes në të gjitha rajonet e vendit, me synim organizimin më efikas, mbikëqyrjen e vazhdueshme dhe realizimin e rregullt të punimeve në terren.Nga qytetarët është kërkuar kujdes i shtuar gjatë qarkullimit, veçanërisht në segmentet ku janë duke u zhvilluar punime, ndërsa ministria ka falënderuar ata për mirëkuptimin. /Telegrafi/