Erblin Osmani, Dion Kaçuri dhe Milot Avdyli: Tri prurjet e reja janë entuziastë për kapitullin me Kosovën

Iz objave izvora

Kombëtarja e Kosovës ka marrë tri prurje të reja për ndeshjet e Ligës së Kombeve, me Erblin Osmanin, Dion Kaçurin dhe Milot Avdylin që janë përfshirë në grumbullimin e Dardanëve për sfidat ndaj Irlandës, Austrisë dhe Izraelit.Kombëtarja e Kosovës po i jep hapësirë edhe emrave të rinj në nisjen e këtij cikli, me Osmanin, Kaçurin dhe Avdylin që janë bërë pjesë e ekipit të përzgjedhësit Franco Foda. Për të tre futbollistët, kjo përfaqëson një hap të rëndësishëm në karrierë dhe një mundësi për të dëshmuar veten me fanellën e Dardanëve.Në një video të publikuar nga FFK-ja, tre lojtarët e rinj kanë folur për emocionet dhe krenarinë që ndiejnë pas ftesës së tyre të parë. Dita e parë e Kosovës: Disa në fushë, të tjerët në palestër, nesër bashkohen të gjithë Erblin Osmani ka deklaruar se për fanellën e Kosovës do të japë maksimumin, duke e nisur kështu një kapitull të ri në karrierën e tij.Edhe Dion Kaçuri ka shprehur emocionet për këtë moment, duke thënë se është shumë i lumtur dhe krenar që i është dhënë mundësia të luajë për Kosovën. Ai premtoi se do të japë maksimumin çdo ditë për fanellën e Dardanëve, duke e mbyllur mesazhin e tij me “Forca Kosova”. Ndërkohë, Milot Avdyli e ka cilësuar këtë ftesë si realizim të një ëndrre. Ai ka kujtuar rrugëtimin e tij nga grupmoshat e Kosovës deri te Kombëtarja A, duke theksuar se tani gjithçka do të jetë në shërbim të Kosovës. “Ëndërr e realizuar, zemra plot krenari, tash gjithçka për Kosovën”, ka thënë Avdyli.FFK-ja, përmes postimit të saj, i ka uruar tre futbollistët për këtë kapitull të ri, duke vënë në pah përkushtimin, krenarinë dhe përgjegjësinë që mbart fanella e Kosovës. Për Osmanin, Kaçurrin dhe Avdylin, ftesa në Kombëtaren A është një tjetër hap në rrugëtimin e tyre, tashmë në skenën më të madhe të futbollit kosovar. /Telegrafi/